Ви ги претставуваме најважните резултати во текот на седумнаесетте денови на натпреварување (6–22 февруари 2026 година), како и во текот на двата дена пред церемонијата на отворањето, кога се одржаа одбрани спортски натпревари (4–5 февруари 2026 година).
На стриминг платформата HBO Max
- Најуспешни Зимски олимписки игри на стриминг во историјата на сервисот Warner Bros. Discovery (во споредба со Пекинг 2022 и Пјонгчанг 2018).
- Трицифрен процентуален раст на вкупното време на гледање (103% во однос на Пекинг 2022) – вклучувајќи трицифрен раст во Франција, Германија и Италија (на HBO Max) и во Велика Британија (на discovery+).
- Стримингот на HBO Max привлече трипати повеќе гледачи (234%) во однос на Пекинг 2022.
- Како што веќе беше објавено, вкупниот број претплатници кои ја следеле содржината од Милано-Кортина 2026 го надмина бројот на оние кои ги гледаа целите Игри во Пекинг 2022 по само три дена.
- Прегледите на видео содржините на социјалните мрежи на профилите на Eurosport (Европа) и TNT Sports (Велика Британија и Ирска) надминаа 4 милијарди, со насочување на публиката кон релевантните стриминг сервиси.
Иновативните функции на стримингот помогнаа максимално да се зголеми ангажираноста и гледаноста. Во рамките на сеопфатното олимписко искуство на HBO Max, на корисниците им беа достапни:
- Пренос на секој настан во живо, сите 246 сесии во живо, со најмногу 11 истовремени натпревари, вклучувајќи 116 борби за медали и 2.900 спортисти кои се натпреваруваа во текот на 19 дена.
- Околу една третина од корисниците (32%) ја користеа функцијата Olympics Multiview, која за првпат овозможи гледање до четири олимписки настани истовремено на еден екран, со избор на аудио запис.
- Можност за полесно следење на паралелните случувања преку Gold Medal Alerts и Timeline Markers, како и персонализирани листи за гледање кои ги користеше поголемиот дел од корисниците, со избор на коментари на до 21 јазик за преносите во живо.
Извор: CORTINA D’AMPEZZO, ITALY – FEBRUARY 05: General views of the Warner Bros. Discovery (WBD) House on February 05, 2026 in Cortina d’Ampezzo, Italy. (Photo by Emmanuele Ciancaglini/Getty Images for WBD)
Коментирајќи ги Милано-Кортина 2026, Ендру Џорџу, претседател и генерален директор на WBD Sports Europe, изјавил:
„Успехот на кој сведочевме во текот на првите денови прерасна во извонредни Зимски олимписки игри за Warner Bros. Discovery, со значителен раст на гледаноста и ангажираноста на стримингот, како и исклучително силна линеарна публика. Следењето на Олимписките игри на HBO Max очигледно силно одекна кај публиката во Велика Британија и ширум Европа трипати повеќе луѓе одлучија да ги следат Игрите преку нашите платформи во споредба со Пекинг 2022. Можноста гледачите сами да го креираат своето олимписко искуство, избирајќи меѓу сите 116 настани во живо и користејќи иновативни функции како Multiview на еден екран, доведе до значително зголемување на времето кое фановите го поминаа со нашите сервиси. Овие Игри поставија исклучително силна основа додека се свртуваме кон Лос Анџелес 2028 и повторното враќање на Зимските олимписки игри во Европа за Француските Алпи 2030.“
На линеарните канали (Eurosport во Европа; TNT Sports во Велика Британија и Ирска)
Забележан е раст на бројот на гледачи од 3% во однос на Пекинг 2022, со што е превртен трендот на пад на вкупната ТВ потрошувачка во овој период и остварен е најголемиот дел од вкупното гледање во живо. Вкупното време на гледање на линеарните канали порасна за повеќе од 50% во однос на Пекинг 2022 (51%).
Eurosport канали во однос на Пекинг 2022:
- Франција: +47% време на гледање
- Германија: +50% време на гледање
- Полска: +32% време на гледање
TNT Sports канали (само ВБ и Ирска) во однос на Пекинг 2022:
- Велика Британија и Ирска: +60% време на гледање
Стриминг платформите на WBD — HBO Max (Европа) и discovery+ (Велика Британија) – беа единственото место каде што беше можно да се следи секој настан во живо, додека линеарните канали Eurosport (Европа) и TNT Sports (ВБ и Ирска) обезбедија сеопфатно известување за Игрите за милиони навивачи.
Извор: webmind.rs
